Nuorâirääđi váátá tuotâvuotâ- já sovâdâttâmkomissio pargo juátkim
Sämitigge meridij paijeelmiärálii tievâsčuákkimist 9.8.2022 sirdeđ tuotâvuotâ- já sovâdâttâmkomissio komissaarij valjim ovdâskulij já toollâđ tuotâvuotâ- já sovâdâttâmproosees joođhâ uásild puudâ. Puudâ ääigi selvâtteh ráávhust, ete maht pyehtih juátkiđ proosees já juátkih meid tom selvâttem, ete maid sämisiärvádâh smiättá ääšist.
Nuorâirääđi lii pettâšum miärádâsân koskâldittiđ komissio pargo. Miärádâsâst láá kuhesáigásiih vaikuttâsah säminuorâi sajattâhân já vuoigâdvuođâi olášumán. Komissio pargo mield meid säminuorâin ličij máhđulâšvuotâ muštâliđ jieijâs feerimijn, moid historjáliih tábáhtusah ain vaigutteh.
– Komissio ulmen lii kuullâđ eromâšávt puárásub sämmilij feerimijd, maid säminuorah jyehih. Säminuorâin láá meid jieijah, nuorâi feerimeh, maid kalga selvâttiđ, iätá nuorâirääđi saavâjođetteijee Anni-Sofia Niittyvuopio.
Nuorâirääđi váátá tuotâvuotâ- já sovâdâttâmkomissio pargo juátkim. Sämitigge kalga maccâđ kesimáánu miärádâsân já valjiđ kyehti uđđâ komissaar juátkiđ algâttum pargo. Tuotâvuođâ já sovâdâttâm kalga finniđ tääl, vâi pyehtih nuurrâđ nuuvt maaŋgâid feerimijd ko máhđulâš já pyehtih algâttiđ traumai kieđâvuššâm. Feerimij nuurrâm puáhtá meid nanodiđ sämmilij siärvuslâšvuođâ.
Sämitige paijeelmiärálii tievâsčuákkim maŋa čokkânâm nuorttâlâšrääđi lii almottâm haalus juátkiđ komissio pargo nuorttâlij jieijâs kulâmijguin. Nuorâirääđi tuárju miärádâs já lii kiärgus leđe mieldi prosesist tuárjumin nuorttâlijd nuorâid.
– Komissio pargo vievâst huksejuvvoo pyereeb puátteevuotâ säminuoráid, moh ain feerejeh tuođâlii raasism já vajesaavâid Suomâst. Lii tehálâš, ete historjáliih já táálááh feerimeh selvâttuvvojeh tääl kuittâg nuorttâlij uásild, vâi puáttee suhâpuolvah šeštuuččii taan nuáđist, juátká nuorâirääđi värisaavâjođetteijee Maria Mäkinen
Säminuorâi sajattâhân já tiervâsvuotân vaaigut eromâšávt psykososiaallii torjuu ohtâduv toimâ, mii lii vuossâmuu tove kuássin puáhtám älkkeht finnimnáál mielâtiervâsvuođâpalvâlusâid meid säminuorâi finnimnáál. Jo tot, ete ohtâdâh lii lemin, puáhtá lasettiđ säminuorâi torvolâšvuođâ tobdo. Nuorâirääđi váátá, ete ohtâduv tooimâ kalga juátkiđ, vâi komissio pargo maŋa pyehtih pyehtiđ palvâlusâid säminuorâi jyehipiäiválij soti-palvâlusâi fastâ uássin.
Lasetiäđuh:
Anni-Sofia Niittyvuopio
nuorâirääđi saavâjođetteijee
anni-sofia.niittyvuopio(a)hotmail.com
040 610 7905
Uáppáásm meid
Nuorâirääđi saavâjođetteijeeh väljejum
Sämitige nuorâirääđi saavâjođetteijen väljejui Rosa-Máren Juuso Käresavonist já värisaavâjođetteijen Helmi Ljetoff Helsigist.
Nuorâirääđi toimâpajan 2024-2025 lii asâttum
Sämitige čuákkim asâttij nuorâirääđi toimâpajan 2024-2025 čuákkimistis 30.1.2024.
Säminuorâi teivâdmeh
Moonnâm čoovčâ uárnejum nuorâirääđi astoäigitooimâ teivâdemriggee finnee joođhâ rijjâhámásijn teivâdmijn. Mieldi láá amnâseh sämituojij várás já lyevispeelah. Ehideh láá skammâmáánu ääigi Oulust, Ruávinjaargâst já Käresavonist. Eehid lii uáivildum säminuoráid pajetääsiahasijn kida 30-ihásáid.
Uusâ fáárun tâi iävtut jeessân Sämitige nuorâirááđán toimâpajan 2024-2025
Mij uuccâp nuorâirááđán fáárun aktiivlijd, sämiaašijn perustum säminuorâid pirrâ Suomâ. Nuorârääđi valjiimist váldoo vuotân, et jesâneh ovdâsteh ubâ sämikuávlu sehe jieškote-uv kielâjuávhuid nuuvt pyereest ko máhđulâš. Valjiimist nuávdittep meid suhâpeelij koskâsii täsiáárvu. Nuorâirääđi jesâneh iä taarbâš leđe sämitige jesâneh.
Nuorâiturnee peivimereh almostittum
Nuorâirääđi uárnee čohčuv 2022 säminuoráid čuosâttum astoäigitooimâ turnee. Nuorâiturnee orniimijn västid nuorâirääđi proojeektpargee Miia Ruokojärvi. Turnee peivimereh láá tääl čielgâseh.
Nuorâirääđi uárnee nuorâiturnee
Nuorâirääđi uárnee čohčuv 2022 säminuoráid uáivildum astoäigitooimâ turnee. Nuorâirääđi proojeektpargen lii algâttâm Miia Ruokojärvi.
Nuorâirääđi uárnee seminaar sämitiggelaavâ uđâsmitmist 11.10.2022
Nuorâirääđi uárnee Helsigist seminaar sämitiggelaavâ uđâsmitmist. Seminaar teeman lii Säminuorâi puátteevuođâ huksiimin. Tilálâšvuotâ uárnejuvvoo Uccâparlamentist Aalmuglâšinfoost majebaargâ 11. roovvâdmáánu tijme 8.05–10.00.
Sämitigge almoot uuccâmnáál meriáigásii proojeektpargee pargo
Proojeektpargee pargoid kuleh il. sämikielâlii já -kulttuur miäldásii rijjâääigi tooimâ ovdedem oovtâstpargoost nuorâiraađijn já säminuoráid uáivildum nuorâi rijjâäigitooimâ päikkikudij koskâsii jođo vuávám já olášuttem.
“System lii piättám meiddei válduaalmug”—Dihtosis-haahâ sämmilijd lohtâseijee tietimettumvuođâ raččon
Sämitige nuorâirääđi lii uásálistám kollaborativlii pro gradu -paargon, mii tuuđhâi Dihtosis-haavâ vaigutteijeevuođâ. Tutkâmuš čáittá, et tiätu sämmilijn lii liijkás uccáá já ton keežild sämmiliih já säminuorah ferttejeh ain-uv kierdâđ kivsedem, raasism já vajesaavâid.
Lah-uv tun 18–29-ihásâš säminuorâ já kiäsutteh-uv elleekoveh tuu?
Uásálist tave-eennâmlii Northern Script -kietâčaalâkiišton jieijâd eenikielân!
Nuorâirääđi uásálist OA algâaalmugij pisováá foorumân
Nuorâirääđi värisaavâjođetteijee Maria Mäkinen uásálist OA algâaalmugij pisováá foorumân (UNPFII) 25.4.-5.5.2022 New Yorkist. Foorum 21. čuákkim válduteeman lii “Indigenous peoples, business, autonomy and the human rights principles of due diligence including free, prior and informed consent”.
Anni-Sofia Niittyvuopio juátká nuorâirääđi saavâjođetteijen
Sämitige nuorâirääđi saavâjođetteijen väljejui Anni-Sofia Niittyvuopio Kärigâsnjaargâst já värisaavâjođetteijen Maria Mäkinen Jyväskyläst. Kuohtuuh tooimáin saavâtuálleejuávhust meiddei ovddii kyevti ive paajeest.
Oppâp sämmilijn já sämikulttuurist Dihtosis-haavâ video-oppâtiijmij peht
Sämitige nuorâirääđi já Nuorâi Akatemia Dihtosis-haahâ almostit video-oppâtiijmijd sämikulttuurist. Säminuorah tuáimih máttáátteijen video-oppâtiijmijn já jođetteh uáppeid sämikulttuurân sierâ uáinui peht.
Sämitige nuorâirääđi ocá äššitobdeejesânijd
Lah-uv 15-17 ihásâš säminuorâ? Halijdah-uv peessâđ vaiguttiđ säminuorâi aššijd já uápásmuđ já viärmádâttâđ eres säminuoráid? Mij uuccâp nuorâirääđi äššitobden aktiivlijd sämiaašijn perustum nuorâid pirrâ Suomâ.
Nuorâirääđi 2022-2023 lii asâttum
Sämitige čuákkim asâttij nuorâirääđi toimâpajan 2022-2023 čuákkimistis 17.12.2021.