Sääʹmteʹǧǧ ååcc õllškooulharjjtõõlli

Sääʹmteʹǧǧ iʹlmmat ooccâmnalla õllškooulharjjtõõlli pääiʹǩ. Tuâjj älgg suåppmõõžž mieʹlded ǩieʹssmannust 2025. Harjjtõõllmõš peštt 3 mp. Tuâjast lij ougglõstuejjeemvueiʹttemvuõtt.

Õllškooulharjjtõõlli väʹlddtuâjjan lij sääʹmnuõri konfereeʹns plaanmõš, jäʹrjstummuš, teâđtummuš di jeeʹres õuddvalmštõõllmõõžž di konfereeʹns mâʹŋŋtuâj õhttsažtuâjast Sääʹmteeʹǧǧ nuõripiisrin da nuõrisuåvtõõzzin. Sääʹmnuõri konfereeʹns jäʹrjstet påʹrǧǧmannust 2025 Aanrest Sajoozzâst da tõn jäʹrjsteeʹjen lij Sääʹmteeʹǧǧ nuõrisuåvtõs.

Tuâj oʹnstam håiddmõõžž õõudâsvieʹǩǩat šiõttlõs škooultõs, sääʹmǩiõlltäidd da sääʹmkulttuur tobddmõš. Ââʹnnep äärvast jiõččnaž da tääʹrǩes tuejjummuž di šiõǥǥ õhttsažtuâjj- da vuârrvaaiktemtääidaid. Päʹlǩǩ meäʹrtââvv Sääʹmteeʹǧǧ päʹlǩǩriâšldõõǥǥ väʹǯǯlõsvuõtt-tääʹzz V da tõʹst II mieʹldd joouk mieʹldd (vuâđđpäʹlǩǩ 2432,19 euʹrred/mp). Vuâđđpääʹlǩ õõl tuâjast määuʹset 24 % sääʹmvuuʹd lââʹzz sääʹm dommvuuʹdest tuejjeʹmen di tuõjju härjjnem mieʹldd meäʹrtõõvvi lõõʹzzid. Vuõss-sââʹjest tuäivvap ooccjid, koin lij mättstroiʹttel tuärjj harjjtõõllma. Jeärrsid ooccjid vääʹldet še lokku.

Jiijjad maʹlle ǩeeʹrjtum ooccmõšǩeʹrjj di vueiʹtlvaž merittloǥstõk da jeeʹres meâlddõõzz da mätt-tuõđštõõzz âʹlǧǧe tooiʹmted Sääʹmteeʹǧǧ piisarkådda 30.4.2025 mõõneeʹst tän ooccmõšlomaakk pääiʹǩ (ävvan ođđ ikkna): Ooccmõšlomaakk

Lââʹssteâđaid tuâjast oudd nuõripiisar Elli-Marja Hetta, elli-marja.hetta@samediggi.fi di õllškooulharjjtõõllmõõžž pirrsaž aaʹššin tuâjjlažkåʹddjååʹđteei Ida Pirttijärvi, ida.pirttijarvi@samediggi.fi.

Sääʹmteeʹǧǧ toiʹmmjummša vuäitt tobdstõõttâd neʹttaddrõõzzâst www.samediggi.fi. da nuõrisuåvtõõzz toiʹmmjummša addrõõzzâst www.nuor.fi

Aanrest 16.4.2025
Sääʹmteʹǧǧ

Mååust liʹstte

Tobdstõõđ še

Nuõrisuåvtõõzz saaǥǥjååʹđteeʹjen vaalšeš Rosa-Máren Juuso da väärrsaaǥǥjååʹđteeʹjen Niila-Juhán Valkeapää

Nuõrisuåvtõõzz saaǥǥjååʹđteeʹjen juätkk Rosa-Máren Juuso da väärrsaaǥǥjååʹđteeʹjen vaʹlljeeš Niila-Juhán Valkeapää. Nuõrisuåvtõõzz äʹšštobddjen vaalšeš Leo Vilmunen, Nuppu-Maaria Näkkäläjärvi, Nils-Matti Juuso, Niiles Harlin ja Heta Sieppi.

Looǥǥ lââʹzz

Säämnuõr tuäivva õõutsââjest åårrmõõžž da säämǩiõllsaž toimmjummuž

De2!-haʹŋǩǩõõzzâst kaartʼteš nuõri tuõivvjid kuuleeʹl sääʹmǩiõllsa âsttääiʹjtoiʹmmjumša. Kõõjjõõllmõõžž vuâđald nuõr tuäivva jäänmõsân sääʹmǩiõllsaid nuõri jeäʹǩǩääid da õõutsââʹjest åårrmõõžž jeärrsi sääʹmnuõrivuiʹm. Sääʹmnuõrid ǩieʹssi ääʹšš kõõjjõõllmõõžž vuâđald leʹjje liikkummuš, äʹrbbvuõđlaž tääid da ålgganåårrmõš. Kõõjjõõllma vaʹsttääm jäänmõs tuäivv toiʹmmjummuž jäʹrjstum jiiʹjjes dommsiidâst.

Looǥǥ lââʹzz

Sääʹmteeʹǧǧ nuõrisuåvtõs ååcc äʹšštobddivuäzzlaid!

Leäk-a 15-17 ekksaž sääʹmnuõr? Haaʹlääk-a piâssâd vaikkted sääʹmnuõri aaʹššid, tobdstõõttâd da vuârrvaikkted järrsin sääʹmnuõrin? Ooccâp nuõrisuåvtõõzz äʹšštobddjen aktiivlaid sääʹmaaʹššin älšmõõvvâm nuõrid pirr Lääʹddjânnam.

Looǥǥ lââʹzz

Nuõri saakkvuârr Säämteeʹǧǧ riâššõõttâmsåbbrest da nuõrisuåvtõõzz nõõmtummuš

Riâššõõttâmsåbbar nuõri saakkvuâr õʹnne nuõrisuåvtõõzz vaalšem eeʹttǩeei Rosa-Máren Juuso Jeänõõǥǥâst da Mihku Näkkäläjärvi Aanrest.

Looǥǥ lââʹzz

Haʹŋǩǩõs, Oođâs

De! 2-haʹŋǩǩõõzz tåimmjummuš jåttai

Sääʹmteeʹǧǧ da sääʹmvuuʹd kooʹddi De! 2-haʹŋǩǩõs lij alttääm tåimmjummšes.

Looǥǥ lââʹzz

Säämteǧǧ ååcc mierräiggsaž projektt-tuâjjla nuõrisuåvtõõzz De!2 -haŋǩǩõsse

Projeʹktt-tuâjjla tuâjjan lij sääʹmǩiõllsa da -kulttuur meâldla nuõrituâj ooudâsviikkmõš sääʹmvuuʹd kooʹddin haʹŋǩǩõsplaan meâldlânji õõutveäkka Sääʹmteeʹǧǧ nuõrisuåvtõõzz da haʹŋǩǩõõzz vuäʹpstemjooukin.

Looǥǥ lââʹzz

Nuõrisuåvtõs vuässõõđi ÕM alggmeerai põõssi fooruume

Sääʹmteeʹǧǧ nuõrisuåvtõõzz saaǥǥjååʹđteei Rosa-Máren Juuso da väärrsaaǥǥjååʹđteei Helmi Ljetoff vuässõʹtte ÕM alggmeerai põõssi fooruuʹme (UNPFII) New Yorkist. Fooruum 23. išttâm teeʹmmen lij alggmeerai jiõččmieʹrreemvuõiggâdvuõđ raavummuš ÕM alggmeerai vuõiggâdvuõđid kuõskki čõõđtõõzz õhttvuõđâst: alggmeerai nuõri jiõn ââʹlummuš.

Looǥǥ lââʹzz

Teâđtõs