De! 2-haavâ

Sämitige já sämikuávlu kieldâi ohtsâš De! 2-haavâ lii algâttâm tooimâs.

Haavâ toimâ uárnejuvvoo säminuorâi tuoivui vuáđuld.

1 / 1

Sämitige já sämikuávlu kieldâi ohtsâš De! 2-haavâ lii algâttâm tooimâs. Haahâ uárnee sämikielâlii já -kulttuur miäldásii rijjâäigitooimâ 13–29-ihásij säminuorâi várás. Haavâ oovtâstpargokyeimin láá meid Sämikuávlu máttááttâskuávdáš já Nuorâikuávdáš Vasatokka.

Haavâ toimâ uárnejuvvoo säminuorâi tuoivui vuáđuld. Ijahis Idja -festival ääigi piäijoo joton koijâdâllâm, mii kärttee nuorâi tuoivuid sämikielâlii rijjâäigitooimâ várás. Koijâdâlmân puáhtá västidiđ meid 8.9.2024 räi nettiluámáttuv peht. De! 2-haavâ uárnejeijeeh tuáivuh-uv, et koijâdâlmân västidiččii nuuvt maaŋgâs säminuorâin ko máhđulâš, vâi mij pastep orniđ nuoráid mielâmield toimâm pirrâ sämikuávlu.

Haavâ tooimâ puáhtá čuávvuđ sosiallii mediast haavâ Instagram-siijđoin, @de_astoaiggedoaibma. Mij almottep tooimâin meid nuorâirääđi sosiallijn mediain.

De! 2-sämikielâlii nuorâipargo ovdedem sämikuávlu kieldâin -haahâ oovded sämikielâlii já -kulttuur miäldásii nuorâipargo sämikuávlu kieldâin. Sämitige nuorâirääđi lii finnim nuorâipargo ovdedemhaavâ várás 46 500 € ruttâdem Laapi kuávluhaldâttâhvirgáduvâst.

Lasetiäđuh:

Anni-Saara Aikio

De! 2-haahâ proojeektpargee

anni-saara.aikio(at)samediggi.fi

puh. 044 9013500

Maasâd liiston

Uáppáásm meid

DigiÁrran-haahâ

DigiÁrran-haavâ ulmen lâi ovdediđ digitallii nuorâitooimâ myenster sämmilij päikkikuávlun.

Luuvâ lase

Dihtosis-haahâ

Dihtosis-haahâ lii sämitige nuorâirääđi já Nuorâi Akatemia ohtâsâšhaahâ, mon ulmen lii lasettiđ tiäđu sämmilijn Suomâ škoovlâin. Haavâ ruttâd máttááttâs- já kulttuurministeriö.

Luuvâ lase

Ofelaš-projeekt

Nuorâirääđist láá lamaš kyehti jieškote-uvlágán Ofelaš-proojeekt iivij 2014-2015. Säminuorah juttii Laapi škoovlâin muštâlmin jieijâs kulttuurist já Laapi kuávluhaldâttâhvirgetoimâttuv torjuin juttii Ofelaš-jurduin nuoráid uáivildum tábáhtusâin.

Luuvâ lase