Ofelaš-projeekt

Nuorâirääđist láá lamaš kyehti jieškote-uvlágán Ofelaš-proojeekt iivij 2014-2015. Säminuorah juttii Laapi škoovlâin muštâlmin jieijâs kulttuurist já Laapi kuávluhaldâttâhvirgetoimâttuv torjuin juttii Ofelaš-jurduin nuoráid uáivildum tábáhtusâin.

1 / 1

Ofelaš-haavâ tehálumos ulme lii lamaš lasettiđ válduaalmug nuorâi tiäđuid sämmilijn já sämikulttuurist. Ofelaš lii tavesämikielâ já uáivild uápisteijee. Ofelaš-tooimâ ulmen lii sirdeđ tiäđu nuorâin nuoráid. Nuorâirääđi juuđij haavâ ääigi nuoráid uáivildum tábáhtusâin já juovij tiäđu sämmilijn. Nuorâirääđi jesâneh kuállejii Ofelaš-tooimâ ooleest SottiisiMoves -tanssâtábáhtusâst Tamperest, RuutiExpo -tábáhtusâst Helsigist, Suáđigil škovlimmessuin, Ruávinjaargâ váldukirjerááju ornim tábáhtusâst sehe Turku kirjemessuin. Tooimâ ruttâdij Laapi kuávluhaldâttâhvirgetoimâttâh.

Nuorâirääđist láin meid kyehti säminuorâ pargoost kulmâ mánuppaje. Suoi vuáváin škovlâkollimmaterialijd já juuđijn muštâlmin sämmilijn Laapi vuáđuškoovlâin algâivveest 2015. Jotteem ruttâdui nuorâirääđi jieijâs toimâišeruuđâst. Tooimâ ulmen lâi iskâđ, maht škovlâkollimtooimâ puávtáččij olášuttiđ Suomâst. Macâttâs kolliimijn lâi positiivlâš já movtijdittee. Nuorâirääđi ulmen lii lamaš uážudiđ tooimân fastâ ruttâdem.

Nuorâirääđi táátui sämiráppár Ailu Vallest Ofelaš-pitá, mon ulmen lii kepidiđ sämmiláid kyeskee munejurduid. Pitá nommâ lii Nunnuka-lai-laa, já ton juurdâ lii leđe suotâs pittá mut meiddei máttááttiđ syemmiláid maidnii sämmilijn. Ailu Valle rähtim pittá ráppájui vuossâmuu tove ive 2015 uárnejum säminuorâi konferensist Helsigist. Ailu Valle ráppái konferensist já mainâstij konferensviehân pitá rähtimist já tast mon älkkeht sämmilijn uážuččij olmâ tiäđu, jis peri vajaččij tom uuccâđ.

Maasâd liiston

Uáppáásm meid

Dihtosis-haahâ

Dihtosis-haahâ lii sämitige nuorâirääđi já Nuorâi Akatemia ohtâsâšhaahâ, mon ulmen lii lasettiđ tiäđu sämmilijn Suomâ škoovlâin. Haavâ ruttâd máttááttâs- já kulttuurministeriö.

Luuvâ lase