Ofelaš-prošeakta
Nuoraidráđis leat leamaš jođus guokte iešguđetlágan Ofelaš-prošeavtta jagiid 2014-2015. Lappi guovllu skuvlaturnea ruhtaduvvui nuoraide oaivvilduvvon dáhpáhusain. Lappi guovlohálddahusa doarjagiin jođiimet nuoraide oaivvilduvvon dáhpáhusain. Johtima vuođđojurddan lei Ofelaš-doaibma.
Ofelaš-fitnu deháleamos ulbmilin lea leamaš lasihit váldoálbmot nuoraid dieđuid sápmelaččain ja sin kultuvrras. Ofelaš lea davvisámegielat sátni ja mearkkaša oahpisteaddji. Ofelaš-doaimma ulbmilin lei sirdit dieđuid nuoras nurrii. Nuoraidráđđi jođii fitnu olis nuoraide oaivvilduvvon dáhpáhusain ja jugii dain dieđuid sápmelaččain. Nuoraidráđi lahtut gallededje Ofelaš-doaimma olis Sottiisi-Moves -dánsundáhpáhusa Tamperes, RuutiExpo -dáhpáhusa Helssegis, Soađegili skuvlenmeassuid ja Roavvenjárgga váldogirjerádjosa lágidan dáhpáhusa ja Turku girjemeassuid. Doaimmaid ruhtadii Lappi guovlohálddahusdoaimmahat.
Nuoraidráđis leigga maiddái golmma mánotbadjái bálkáhuvvon guokte sámenuora, geat plániiga skuvlagalledanmateriálaid ja jođiiga muitaleame sápmelaččain Lappi vuođđoskuvllain jagi 2015 álggobealde. Johtindoaimma nuoraidráđđi ruhtadii iežas doaibmaveahkkeruđain. Doaimma ulbmilin lei beassat iskkadit, mainna lágiin Suomas sáhtášii ollašuhttit skuvlagalledemiid. Máhcahat galledemiin lei positiivvalaš ja arvvosmahtti. Nuoraidráđđi lea viggan iskkadeami maŋŋel oažžut doibmii bissovaš ruhtadeami.
Sápmelaš rap-musihkar Ailu Valle lea ráhkadan Ofelaš-rap, man nuoraidráđđi lei sávvan sus. Rap-bihtá ulbmilin lea geahpedit sámiide guoski ovdagáttuid. Bihtá namma lea Nunnuka-lai-laa ja dan ulbmil lea hávskkuhit, muhto maiddái oahpahit suopmelaččaide juoidá sápmelaččain. Ailu Valle ráhkadan bihttá čuojahuvvui vuosttaš geardde jagi 2015 lágiduvvon sámenuoraid konferánssas Helssegis. Ailu Valle loaiddastii konferánssas ja muitalii konferánsa olbmuide bihtá ráhkadeamis ja das, man álkit sápmelaččain oččošii rievttes dieđuid, juos fal háliida dan vehá ohcat.
Oahpásmuva maiddái
Árbediehtu nuoraide -fidnu
Nuoraidráđis lei jođus jagi 2015 Árbediehtu nuoraide -fidnu, man lei dorjon ruđalaččat Dáidaga ovddidanguovddáš.
De!-fidnu
De!-fitnus gárgehit nuoraiddoaimmaid sámegielaiguin
DigiÁrran-fidnu
DigiÁrran-fidnu ulbmil lei ovddidit digitála nuoraiddoaimma málle sámiid ruovttuguvlui.
Oahppoofelaš-fidnu
Fitnu ulbmilin lei čielggadit ollislaččat, guđe surggiin leat dál ja boahttevuođas bargosajit sámiid ruovttuguovllus.
Dihtosis-fidnu
Dihtosis-fidnu lea Sámedikki nuoraidráđi ja Nuoraid Akademiija oktasaš fidnu, mii viggá lasihit Suoma skuvllain olbmuid dieđuid sápmelaččain. Fitnu ruhtada oahpahus- ja kulturministeriija.