Oahppoofelaš-fidnu
Fitnu ulbmilin lei čielggadit ollislaččat, guđe surggiin leat dál ja boahttevuođas bargosajit sámiid ruovttuguovllus.
Studere suorggi, mas lea boahttevuođas bargu sámeguovllus
Sámedikki nuoraidráđđi ollašuhtii jagi 2016 álggus Guovlohálddahusdoaimmahaga doarjagiin Oahppoofelaš-fitnu, man ulbmilin lei kártet guđe surggiin sámiid ruovttuguovllus lea bargu boahttevuođas. Dasa lassin kártejuvvui, guđe surggiin sámegielat bargiin lea boahttevuođas bargu ja makkár bargguid sáhttá bargat ollásit gáiddusin. Dán vuođul sámenuorat sáhtášedje ohcalit surggiide, main leat bargosajit sámiid ruovttuguovllus. Sámiid ruovttuguvlui gullet Ohcejoga, Anára ja Eanodaga gielddat ja Soađegili gielddas Lappi bálgosa guovlu.
Fidnui bálkáhuvvui ollesáigásaš prošeaktabargi moadde mánnui.
Čielggadeapmi čađahuvvui interneahtas gažaldatskovi ja jearahallamiid bokte, ja čielggadeami vuođul ráhkaduvvui nuoraide oaivvilduvvon Oahppoofelaš-gihpa. Gihpa fállá nuoraide dieđuid, maid bokte sii sáhttet studeregoahtit háliidettiineaset dakkár surggiid, main jáhkkimis leat barggut dál ja boahttevuođas sámiid ruovttuguovllus
Oahppoofelaš-gihpa lea sámenuoraide oaivvilduvvon oahppo-ofelaš, mii juhkkojuvvui ee. nuoraide, geat gerget vuođđoskuvllas ja nuppi ceahkis. Fitnus buvttaduvvon materiála gávnnat dáppe.
Oahpásmuva maiddái
De!-fidnu
De!-fitnus gárgehit nuoraiddoaimmaid sámegielaiguin
Ofelaš-prošeakta
Nuoraidráđis leat leamaš jođus guokte iešguđetlágan Ofelaš-prošeavtta jagiid 2014-2015. Lappi guovllu skuvlaturnea ruhtaduvvui nuoraide oaivvilduvvon dáhpáhusain. Lappi guovlohálddahusa doarjagiin jođiimet nuoraide oaivvilduvvon dáhpáhusain. Johtima vuođđojurddan lei Ofelaš-doaibma.
Dihtosis-fidnu
Dihtosis-fidnu lea Sámedikki nuoraidráđi ja Nuoraid Akademiija oktasaš fidnu, mii viggá lasihit Suoma skuvllain olbmuid dieđuid sápmelaččain. Fitnu ruhtada oahpahus- ja kulturministeriija.
Árbediehtu nuoraide -fidnu
Nuoraidráđis lei jođus jagi 2015 Árbediehtu nuoraide -fidnu, man lei dorjon ruđalaččat Dáidaga ovddidanguovddáš.
DigiÁrran-fidnu
DigiÁrran-fidnu ulbmil lei ovddidit digitála nuoraiddoaimma málle sámiid ruovttuguvlui.