Árbediehtu nuoraide -fidnu
Nuoraidráđis lei jođus jagi 2015 Árbediehtu nuoraide -fidnu, man lei dorjon ruđalaččat Dáidaga ovddidanguovddáš.
Árbevirolaš dieđu ja máhtu lunddolaš sirdašupmi sohkabuolvvas nubbái lea sámeservošis maŋemuš jahkelogiid áigge geahppánan ja váttásmuvvan mihá uhkideaddji ládje, báikkuid dat lea soaitán maid bisánan ollásit. Sámedikki nuoraidráđđi lea jagi 2013 rájes lágidan sámenuoraide árbevirolaš sámeduodjekurssaid. Jagi 2015 nuoraidráđđi jotkkii duodjekurssaid lágideami ja viiddidii kursafálaldaga sápmelaš árbedieđu vuođul. Árbedieđu oahpahit kurssain iešguđet guovlluin Sámis ja maiddái dan olggobealde.
Árbediehtu nuoraide -fitnu ulbmilin lei lágidit doaimmaid, maidda lea álki searvat, ja maidda sáhtášedje oassálastit nu máŋggat nuorat go vejolaš, ja geat eai vealttakeahttá ovdal leat leamaš mielde nuoraidráđi lágidan doaimmain. Doaimmat nannejit sámenuoraid identitehta ja oktavuođa sámekultuvrii.
Nuoraidráđđi lágidii Dáidaga ovddidanguovddáža sierraruhtademiin árbevirolaš biebmu -kurssaid Helssegis ja Jyväskyläs, Eanodat-mállet gáktegoarrunkurssa Gárasavvonis, nuortalaš- ja anáraččaid čuoldinkurssa Anáris ja anáraš árbevirolaš musihka livđe -kurssa Anáris. Dáid lassin nuoraidráđđi oassálasttii Ohcejogas dollojuvvon 24.6.-28.6.2015 sámegielat nuoraidleairra lágideapmái. Leairras suohtastallama lassin oahpahuvvui árbediehtu sápmelaš duodjebargobájis ja árbevirolaš máinnasteapmi ođđa vugiin, teáhter- ja filbmabargobájiid hámis.
Fitnu áigge juksojuvvojedje oktiibuot s. 80 nuora guhtta iešguđet báikegottis sámiid ruovttuguovllus ja dan olggobealde. Árbediehtu-kurssat čohkkejedje servošiid oktii, ja daidda oassálaste nuoraid lassin dávjá maid eará bearašlahtut ja bagadalliid lassin maiddái eará resursaolbmot.
Oahpásmuva maiddái
Dihtosis-fidnu
Dihtosis-fidnu lea Sámedikki nuoraidráđi ja Nuoraid Akademiija oktasaš fidnu, mii viggá lasihit Suoma skuvllain olbmuid dieđuid sápmelaččain. Fitnu ruhtada oahpahus- ja kulturministeriija.
De!-fidnu
De!-fitnus gárgehit nuoraiddoaimmaid sámegielaiguin
Ofelaš-prošeakta
Nuoraidráđis leat leamaš jođus guokte iešguđetlágan Ofelaš-prošeavtta jagiid 2014-2015. Lappi guovllu skuvlaturnea ruhtaduvvui nuoraide oaivvilduvvon dáhpáhusain. Lappi guovlohálddahusa doarjagiin jođiimet nuoraide oaivvilduvvon dáhpáhusain. Johtima vuođđojurddan lei Ofelaš-doaibma.
Oahppoofelaš-fidnu
Fitnu ulbmilin lei čielggadit ollislaččat, guđe surggiin leat dál ja boahttevuođas bargosajit sámiid ruovttuguovllus.
De! 2-fidnu
Sámedikki ja sámeguovllu gielddaid oktasaš De! 2-fidnu lea álgán. Fitnus lágidit 13–29-jahkásaš sámenuoraide astoáiggedoaimmaid sámegillii sámekultuvrra vuođul.
DigiÁrran-fidnu
DigiÁrran-fidnu ulbmil lei ovddidit digitála nuoraiddoaimma málle sámiid ruovttuguvlui.