De! 2-fidnu
Sámedikki ja sámeguovllu gielddaid oktasaš De! 2-fidnu lea álgán. Fitnus lágidit 13–29-jahkásaš sámenuoraide astoáiggedoaimmaid sámegillii sámekultuvrra vuođul.
Sámedikki ja sámeguovllu gielddaid oktasaš De! 2-fidnu lea álgán. Fitnus lágidit 13–29-jahkásaš sámenuoraide astoáiggedoaimmaid sámegillii sámekultuvrra vuođul. Fitnu ovttasbargoguoimmit leat maiddái Sámi oahpahusguovddáš ja Nuoraidguovddáš Vasatokka.
Fitnu doaimmat lágiduvvojit sámenuoraid sávaldagaid vuođul. Ijahis idja -festiválas lanserejuvvo gažadeapmi, mainna kártejit, makkár sámegielat astoáiggedoaimmaid nuorat sávvet. Gažadeapmái sáhttá vástidit 8.9.2024 rádjái maiddái neahttaskovi bokte. De! 2-ftnu lágideaddjit sávvetge, ahte gažadeapmái vástidit nu máŋggat nuorat go vejolaš, vai bastit lágidit nuoraide somás ja vuogas doaimmaid miehtá sámeguovllu.
Fitnu sáhttá čuovvut sosiála medias fitnu Instagram-siidduin, @de_astoaiggedoaibma. Doaimmaid birra almmuhit maid nuoraidráđi sosiála mediain.
De! 2-sámegielat nuoraidbarggu ovddideapmi sámeguovllu gielddain -fitnus ovddidit sámeguovllu gielddain sámegielat nuoraidbarggu sámekultuvrra vuođul. Sámedikki nuoraidráđđi lea ožžon nuoraidbarggu ovddidanfidnui 46 500 € Lappi guovlohálddahusvirgedoaimmahagas.
Lassedieđut:
Anni Saara Aikio
De! 2-fitnu prošeaktabargi
anni-saara.aikio@samediggi.fi
Tel. 044 901 3500
Oahpásmuva maiddái
DigiÁrran-fidnu
DigiÁrran-fidnu ulbmil lei ovddidit digitála nuoraiddoaimma málle sámiid ruovttuguvlui.
Árbediehtu nuoraide -fidnu
Nuoraidráđis lei jođus jagi 2015 Árbediehtu nuoraide -fidnu, man lei dorjon ruđalaččat Dáidaga ovddidanguovddáš.
De!-fidnu
De!-fitnus gárgehit nuoraiddoaimmaid sámegielaiguin
Dihtosis-fidnu
Dihtosis-fidnu lea Sámedikki nuoraidráđi ja Nuoraid Akademiija oktasaš fidnu, mii viggá lasihit Suoma skuvllain olbmuid dieđuid sápmelaččain. Fitnu ruhtada oahpahus- ja kulturministeriija.
Oahppoofelaš-fidnu
Fitnu ulbmilin lei čielggadit ollislaččat, guđe surggiin leat dál ja boahttevuođas bargosajit sámiid ruovttuguovllus.
Ofelaš-prošeakta
Nuoraidráđis leat leamaš jođus guokte iešguđetlágan Ofelaš-prošeavtta jagiid 2014-2015. Lappi guovllu skuvlaturnea ruhtaduvvui nuoraide oaivvilduvvon dáhpáhusain. Lappi guovlohálddahusa doarjagiin jođiimet nuoraide oaivvilduvvon dáhpáhusain. Johtima vuođđojurddan lei Ofelaš-doaibma.