Dihtosis-haahâ

Dihtosis-haahâ lii sämitige nuorâirääđi já Nuorâi Akatemia ohtâsâšhaahâ, mon ulmen lii lasettiđ tiäđu sämmilijn Suomâ škoovlâin. Haavâ ruttâd máttááttâs- já kulttuurministeriö.

1 / 1

Škovlâkolliimeh sämifáádáin

Dihtosis-haavâ ulmen lii lasettiđ válduaalmug nuorâi tiäđuid sämmilijn já sämikulttuurist. Kiđđuv 2019 haavâ ooleest olášuvvii 59 škovlâkolliimid. Škovlâkyessin tuáimih paijeel 18-ihásiih säminuorah. Kolliimeh tahhojii uáivikaavpugkuávlust, Turkust, Tamperest, Jyväskyläst, Oulust, Ruávinjaargâst, Suáđigilist já toi aldakuávlust. Škovlâkolliimij materialeh láá haavâ várás pyevtittum. Škovlâkolliimeh juátkojeh luuhâmpaajeest 2019-2020 ohtsis 80 škovlâkollim verd. Škovlâkolliistâllâm tuu oppâlájádâsân tun puávtáh tiiláđ čujottâsâst: www.nuortenakatemia.fi/kouluvierailulomakkeet/

Materiaalpakkeet

Dihtosis-materiaalpakkeet lii uáivildum movtijdittiđ já máttááttâs toorjân ovdâmerkkân sämiaalmugpeeivi várás eromâšávt 5–9 luokaiguin pirrâ Suomâ. Sämifáádáin rahtum materiaalpakkeet almostittui ovdil sämiaalmugpeeivi 2019, vâi tot kiergâniččij aalmupeeivi juhlomân. Materiaalpakkettáin tun puávtáh kieđâvuššâđ sämivuođâ já sämikulttuur älkkeht. Pakettist láá tiätu-uásih já toimâliih hárjuttâsah, moiguin puávtáh vuáváđ jieškote-uvlágánijd oppâtiijmijd. Hárjuttâsah heivejeh paješkoovlâi lasseen meiddei vyeliškoovlâ pajemuid luokkaid já nube tääsi oppâlágádâssáid. Tun puávtáh uápásmuđ materiaalpakettân tääbbin. https://www.nuortenakatemia.fi/oppimateriaalit/dihtosis-oppimateriaalit-saamelaisuuden-kasittelyyn/

Seppo-moobiilspellâ

Váhá ovdil ive 2020 sämiaalmugpeeivi mij almostittep Seppo-moobiilspeelâ. Moobiil rustigijguin tuáimee, máttáátteijee stivrim spellâ viijđed fáádá kieđâvuššâm meiddei toid päikkikuddijd, moid ij lah finniimist škovlâkyessi. Spellâ iššeed uáppeid pirrâ Suomâ oppâđ já iberdiđ eenâb sämivuođâst já sämikulttuurist jiejiâs máttáátteijee stivriimist. Spellâ lii uáivildum 7. –9.-luokkalij lasseen nube tääsi uáppeid. Seppo-speelâst sämivuođâ já algâalmugijd puáhta kieđâvuššâđ nuorâi movtijdittee vuovvijn tutkâmáin já aiccâmáin – oovtâst čuolmâid čuávdimáin. Spellâ tuárju almoonoppâm já nube tááhust spellâ heivee maaŋgâ oppâtiijmán, tast ko sämmilâšvuotâ kuáská nuuvt eenikielâ, ohtsâškoddetiäđu, historjá, eennâmtiäđu já kietâtyeje oppâamnâsáid.

Maasâd liiston

Uáppáásm meid

Ärbitiätu nuoráid -haahâ

Nuorâirääđist lâi tooimâst Taiđuu ovdedemkuávdáá torjuin Ärbitiätu nuoráid -haahâ ive 2015.

Luuvâ lase

Ofelaš-projeekt

Nuorâirääđist láá lamaš kyehti jieškote-uvlágán Ofelaš-proojeekt iivij 2014-2015. Säminuorah juttii Laapi škoovlâin muštâlmin jieijâs kulttuurist já Laapi kuávluhaldâttâhvirgetoimâttuv torjuin juttii Ofelaš-jurduin nuoráid uáivildum tábáhtusâin.

Luuvâ lase