De!-haahâ
De!-haavâst ovdedeh nuorâitooimâ sämikieláid
Sämikielâlâš nuorâitoimâ
Sämitige nuorâirääđi De-projektist ovdedeh nuorâi astoäigitooimâ puoh Suomâst sarnum sämikieláid. Proojeekt ulmen lii movtijdittiđ säminuorâid vuáváđ jiejah, maaggaar sämikielâlii rijjâäigitooimân sij halijdiččii uásálistiđ. De!-projektist selvâttuvvoo meiddei, magarijd sämikielâlijd nuorâitooimâid kieldah já seervih tääl uárnejeh. Proojeekt ääigi pargojeh meiddei nuorâi vuávám sämikielâlii rijjâäigitooimâ pilotteh. Ulmen lii nonniđ sämikielâlii nuorâikulttuur já ruokâsmittiđ nuorâid kevttiđ sämikielâid meiddei astoääigi.
De!-proojeekt ovdánem puáhtá čuávvuđ nuorâirääđi sosiaallii mediai peht, Instagramist já Facebookist. Proojeekt tahhoo 1.10.2018-30.8.2019 já tom ruttâd Leader Tavemus Lappi.
Uáppáásm meid
Oahppoofelaš-haahâ
Haavâ ulmen lâi selvâttiđ ubâlávt, magarijn áámmátsuorgijn láá tääl já puátteeääigist pargosajeh sämmilij päikkikuávlust.
Dihtosis-haahâ
Dihtosis-haahâ lii sämitige nuorâirääđi já Nuorâi Akatemia ohtâsâšhaahâ, mon ulmen lii lasettiđ tiäđu sämmilijn Suomâ škoovlâin. Haavâ ruttâd máttááttâs- já kulttuurministeriö.
DigiÁrran-haahâ
DigiÁrran-haavâ ulmen lâi ovdediđ digitallii nuorâitooimâ myenster sämmilij päikkikuávlun.
Ofelaš-projeekt
Nuorâirääđist láá lamaš kyehti jieškote-uvlágán Ofelaš-proojeekt iivij 2014-2015. Säminuorah juttii Laapi škoovlâin muštâlmin jieijâs kulttuurist já Laapi kuávluhaldâttâhvirgetoimâttuv torjuin juttii Ofelaš-jurduin nuoráid uáivildum tábáhtusâin.
Ärbitiätu nuoráid -haahâ
Nuorâirääđist lâi tooimâst Taiđuu ovdedemkuávdáá torjuin Ärbitiätu nuoráid -haahâ ive 2015.