De! 2-haʹŋǩǩõs
Sääʹmǩiõllsaž âsttääiʹj tåimmjummuž nuõrid jäʹrjsteeʹj De! 2-haʹŋǩǩõõzz tåimmjummuš lij älggam.
Sääʹmteeʹǧǧ da sääʹmvuuʹd kooʹddi De! 2-haʹŋǩǩõs lij alttääm tåimmjummšes. Haʹŋǩǩõõzzâst jäʹrjstet sääʹmǩiõllsa da -kulttuur meâldla âsttääiʹj tåimmjummšid 13–29-âkksaid sääʹmnuõrid. Haʹŋǩǩõõzz õhttsažtuâjjkueiʹmmen liâ še sääʹmvuuʹd škooultemkõõskõs da Nuorisokeskus Vasatokka.
Haʹŋǩǩõõzz tåimmjummuš jäʹrjstet sääʹmnuõri tuõivvji vuâđâld. Ijahis Idja -festivaalin lanseerââʹstet kõõjjõs, koin kaartʼtet nuõri tuõivvjid sääʹmǩiõllsaž âsttääiʹj tåimmjummšest. Kõõjjõʹsse vuäitt vaʹstteed še 8.9.2024 räjja neʹttlomaakk pääiʹǩ. De! 2-haʹŋǩǩõõzz jäʹrjsteeʹj tuäivva vueiʹtlva mäŋggaz sääʹmnuõr vaʹstteem kõõjjõʹsse, što pâʹsttep jäʹrjsted nuõrid miõllsa tåimmjummuž pirr sääʹmvuuʹd.
Haʹŋǩǩõõzz tåimmjummuž vuäitt seuʹrrjed sosiaalʼlaž mediast haʹŋǩǩõõzz Instagram-seeidain, @de_astoaiggedoaibma. Tåimmjummšest iʹlmmtet še nuõrisuåvtõõzz sosiaalʼlaž mediain.
De! 2-sääʹmǩiõllsaž nuõrituâj ooudâsviikkmõš sääʹmvuuʹd kooʹddin – haʹŋǩǩõõzzâst viiǥǥât ooudâs sääʹmǩiõllsa da -kulttuur meâldla nuõrituâj sääʹmvuuʹd kooʹddin. Sääʹmteeʹǧǧ nuõrisuåvtõs lij vuäǯǯam nuõrituâj ooudâsviikkâmhaʹŋǩǩõʹsse 46 500 € teäggtõõzz Lappi vuʹvddvaaldâšmkonttrest.
Lââʹssteâđ:
Anni-Saara Aikio
De! 2-haʹŋǩǩõs projeʹktt-tuâjjlaž
anni-saara.aikio(at)samediggi.fi
tel. 044 9013500
Tobdstõõđ še
DigiÁrran-haʹŋǩǩõs
DigiÁrran-haʹŋǩǩõõzz õõlǥtõssân lij ooudâsviikkâd digitaalʼlaž nuõrituåimman-maall säʹmmlai dommvoudda.
Ofelaš-projeʹktt
Nuõrisuåvtõõzzâst liâ leämmaž kueʹhtt jeeʹresnallšem Ofelaš-projeeʹkt iiʹjjin 2014-2015. Lappi vuuʹd škoouljoođ teäggteš nuõrid rajjum šõddmõõžžin. Lappi vuʹvddvaaldâšm veäʹǩǩvuõđin joʹtteš Ofelaš-jurddjin nuõrid rajjum šõddmõõžžin.
Oahppoofelaš-haʹŋǩǩõs
Haʹŋǩǩõõzz miârktõssân leäi čiõlǥeed obbvääldlânji, måkam tuejjpaaiʹǩin liâ ååʹn da pueʹttiääiʹjest tuej säʹmmlai dommvuuʹdest.
Dihtosis-haʹŋǩǩõs
Dihtosis-haʹŋǩǩõs lij Sääʹmtiiʹǧǧi nuõrisuåvtõõzz da Nuõri Akatemia õhttsažhaʹŋǩǩõs, di tõn miârktõssân lij lââʹzzted sääʹmtieʹttemvuõđ lääʹdd škooulin. Haʹŋǩǩõõzz teäggat mättʼtõs- da kulttuurministeria.
De!-haʹŋǩǩõs
De!-haʹŋǩǩõõzzâst viiǥǥât ooudâs nuõrituåimmjummuž sääʹmǩiõlin
Äʹrbbvuõtt-teâđ nuõrid-haʹŋǩǩõs
Nuõrisuåvtõõzzâst leäi tuej vueʹlnn Čeäppõõzz ooudâsviikkâmkõõskõõzz tuärjjõõzzin äʹrbbvuõtt-teâđ nuõrid-haʹŋǩǩõs eeʹjjest 2015.