Dihtosis-haʹŋǩǩõs

Škooulkõʹllʼjummuž sääʹmteemain

Dihtosis-haʹŋǩǩõõzz mieʹrren lij lââʹzzted väʹlddnarood päärnai da  nuõri teâđaid säʹmmlai da sääʹmkulttuur pirr. Haʹŋǩǩõõzz veäkka sääʹmteemain škooulin lij kõʹllʼjjum juʹn 166 vuâra eeʹjj 2019 aalǥâst vueʹljeeʹl. Lookkâmeeʹjj 2020–2021 škooulkõʹllʼjummšid jäʹrjstet še ougglõsõhttvuõđin, mõõn diõtt kõʹllʼjummuš sääʹmteemain lie ååʹn puki škoouli vuäǯǯamnalla väʹlddkååddlânji. Ođđeeʹjjmannust 2021 altteet veâl vueʹllškoouli škooulkõʹllʼjummšid, koid plaanât čõõuč äiʹǧǧen jiijjâs, nuõrbid  mättjeeʹjid suåppi programm. Škooulkõʹllʼjeeʹjen toiʹmmje pâʹjjel 18-ekksa sääʹmnuõr. Kõʹllʼjempäiʹǩǩen lie leämmaž: väʹlddgååradvuʹvdd, Turku, Tampere, Jyväskylä, Oulu, Ruäʹvnjargg, Suäʹđjel di vuuʹd täi ââlda. Škooulkõʹllʼjummši materiaal lie haʹŋǩǩõõzz vääras puuʹtʼtum. Škooulkõʹllʼjummuž juätkkje lookkâmeeʹjj  2020–2021 õhttsiʹžže 100 škooulkõʹllʼjummšin. Määusteʹmes škooulkõʹllʼjummuž mättstroiʹttlasad vuäitak tiʹllʼjed addrõõzzâst: www.nuortenakatemia.fi/kouluvierailulomakkeet/

Seppo-mobiilspeâll

Dihtosis-haʹŋǩǩõõzzâst lij rajjum sääʹmteema meâldlaž Seppo-mobiilspeâll pââibužškooulniiʹǩǩid da nuuʹbb tääʹzz mättʼtõõttjid, da ođđân ođđeeʹjjmannust 2021 õlmstââʹttet še vueʹllškooulekksaid jurddum mobiilspeâll di speâll tâʹvvsääʹmǩiõllsaž versio. Mobiilneävvaivuiʹm spiõllum, uʹčteeʹl jiijjâs ǩieʹssem speâll vieʹǩǩat mättʼtõõttjid veeʹzz Lääʹddjânnam mättjed da teâđsted sääʹmvuõđ da sääʹmkulttuur jiijjâs uʹčteeʹl ohjjummšest. Seppo-speâllast sääʹmvuõđ da alggmeeraid vuäitt ǩiõttʼtõõllâd päärnaid da nuõrid älšmõʹtti naaʹlin tuʹtǩǩeeʹl  da tobdstõõđeeʹl – õõutsââʹjest čuõlmid čooudeeʹl. Vuâlaž tuärjjad eettmõõžžin mättjummuž da nuuʹbb beäʹlnn speâll suäpp speâllad samai määŋg mättčieʹsse, ko sääʹmvuõtt mâânn čõõđ nuʹtt jieʹnnǩiõl, õhttsažkåʹddmäätt, historia, jânnamtiõđ ko ǩiõtt-tuâj mättaunnsid. Spiõllu vuäitak tobdstõõttâd  da tiʹllʼjed tõn notta tääiǥ.

Mõõntõõllâmpakk

Dihtosis-mõõntõõllâmpakk lij jurddum älšmõʹttjen da mättʼtõõzz tuärjjan ouddmiârkkân säʹmmlai meersažpeeiʹv ââʹnnma jeäʹrben 5.–9. klaassivuiʹm veeʹzz Lääʹddjânnam. Mõõntõõllâmpaakk veäkka vuäitak ǩiõttʼtõõllâd sääʹmvuõđ da sääʹmkulttuur hiâlpâld. Pakk âânn seʹst teâttvueʹzzid di toimmsallaš tuejjõõzzid, koid õhttõõleeʹl vuäitak raajjâd jeeʹresnallšem mättčiâssid. Harjtõõzzid suåpp ǩieʹssed pââibužškoouli lââʹssen še vueʹllškooul pââibuž klaassid di nuuʹbb tääʹzz mättstroiʹttlid. Vuäitak tobdstõõttâd paakk siiskõʹsse tääiǥ.

Tobdstõõđ haʹŋǩǩõʹsse:

http://www.dihtosis.fi