Konfereeʹns teeʹmmen lij äimmõsmuuttâs. Aarktla alggmeer toʹbdde äimmõsmuttâz kõrrsubuin. Sääʹmnuõr liâ jeärbõʹžžen peʹcclõõžžâst äimmõsmuttâz vaikktõõzzâst säʹmmlai äʹrbbvuõđlai jieʹllemvueʹjjid da sääʹmkulttuuʹre.
Konfereʹnss lij määusteʹmes da äävas pukid sääʹmnuõri.
Sääʹmparlameʹntaarla suåvtõõzz vuâllsaž nuõrisuåvtõs jääʹrjast kueiʹt eeʹjj kõõskin tâʹvvjânnmallša sääʹmnuõri konfereeʹns. Konfereʹnss jäʹrjste õhttsažtuâjast Taar-, Ruõcc- da Lääʹddjânnam Sääʹmteeʹǧǧ nuõritoiʹmmjeeʹjivuiʹm. Konfereeʹns väʹlddjäʹrjsteeʹjen tåimmai Sääʹmteeʹǧǧ nuõrisuåvtõs.
Äiʹǧǧ: 26.8.2021 Lääʹddääiʹj čiâss 9.00-15.00
Päiʹǩǩ: Zoom
Kåcc (pdf)
Iʹlmmtõõttmõš
Iʹlmmtõõttmõš ouddâl 25.8.2021 čiâss 12.00
Lââʹzzteâđaid:
projektt- tuâjjlaž Milla Pulska
tel. 0406695295
milla.pulska(at)samediggi.fi
Tuâjjpõõrt
Youth4Nature: Äjšmâʹtted nuõrid jååʹđted luâđ da äimmõõzz peäʹlest, maainâsmušttlummuš
Äimmõskriis vuäitt tuejjeed tååʹšk da täärmtõõvvmõõžž. Tät tuâjjpõrtt lij äimmõsmuttâz katastrooflaid narratiivid vuâstta maainâsmušttlummuš tuâjjneävvan. Mainnâz da mainnsa čuõvte sosiaalʼlaid õhttõõzzid da kulttuur. Tuâjjpõõrt poddân mättjak ohjjeed energiad maainâsmušttlummuš räʹtǩǩõõzzid da narratiivid. Tuâjjpõõrtâst jueʹǩǩe maainâsmušttlummša kolljeei viiʹŋǩid de tuejjeep õõutveäkka häʹrjjtõõzzid.
Kiõll: englõs
Emmi Nuorgam: Some da vaikktummuš
Ämmatsaaǥǥteei, ǩeeʹrjteei, mediapuuʹtteei da somevaikkteei Emmi Nuorgam tuâjjpõõrtâst ǩiõttʼtâʹlle säʹmmla õhttsažkååʹdd ooudâsviikkmõõžž vaikktem vueiʹnnemkuuʹlmest. Mii lij õhttsažkååddlaž vaikktummuš? A modeʹrnn aktivismm? Tuâjjpõõrtâst smeäʹtte jeeʹresnallšem vaikktem kuånstid de õʹcce jiõcces pueʹrmõs vaikktemkuånstt. Tuâjjpõrtt siiʹsǩad haʹrjjtõõzz.
Ǩiõll: lääʹddǩiõll
Pauliina Feodoroff: Äimmõsaktivismm Sää’mmjânnam
Nuörttsä’mmlaž teaʹtterohjjeei da artivistt/aktivistt Pauliina Feodoroff tuâjjpõõrtâst kärttee õõutveäkka nuõri säʹmmlaivuiʹm sij jieʹllempirrõõzzi vuâmmšõõzzid. Mâiʹd leäp äimmõsmuttâz mieʹtt mõõnteʹmmen? Mâiʹd pääikla vueiʹtte tuejjeed? Muʹvddem mekaniismi pääiʹǩ vueiʹtte jueʹǩǩed teâđ? Mäʹhtt raajjâd õhttsaž saaǥǥ da tuʹmmjõõzz?Mii lij tõt saakk?
Kiõll: englõs
