Seʹksskõõv vuäiʹtte njaammâd njäʹlmmseeʹksest, koʹst ij leäkku ââʹnnmest kondoom leʹbe njäʹlmmseʹkss-sueʹjj. Seʹksskõõv jie njaam cuʹmmstõõleeʹl leʹbe ǩiõđivuiʹm trooccmen. Njäʹlmmseeʹksin juuʹrdet tõn, što šõkknemneävvaid trooʒʒât njaaʹlmin. Seʹksskõõv njäʹmme njäʹlmmseeʹksest kondoomtää leʹbe njäʹlmmseʹkss-sueʹjtää leʹbe njuõckkčoodd- da anaalõhttmõõžžâst, jõs ââʹnnmest ij leäkku kondoom.

Seʹksskõõvid vuäitt cõggâd ââʹneeʹl kondoom da njââltõsvuõiddâz njuõckkčoodd- da anaalõhttmõõžžâst di kondoom leʹbe njäʹlmmseʹkss-sueʹj njäʹlmmseeʹksest.

Seʹksskõõvin tåʹlǩ genitaalherpeeʹzz da kondylooma tuõđât jeäʹrben oudldõõzzi vuâđald. Jeeʹres seʹksskõõvid tuõđât seʹksskõppteeʹstivuiʹm. Seʹksskõõv lie täujja oudldõõzzitää, da nuʹtt oudldõõzzi eettmõõžž ij kannât vueʹrdded, jõs lij leämmaž seʹkss kondoomtää leʹbe njäʹlmmseʹkss-sueʹjtää.

Klamydia lij Lääʹddjânnam tääuʹjmõs seʹksskõpp. Klamydia tuõđât juõʹǩǩ eeʹjj nuʹtt 14 000 vuâra. Tõt lij takai seʹksskõpp jeäʹrben nuõri kõõskâst da lij håiddamnalla klamydia hoiddu jurddum antibiott-talkksivuiʹm.

Njäʹlmmseeʹksin juuʹrdet kueiʹm šõkknemneävvai leʹbe anaal vuuʹd trooccmõõžž njaaʹlmin. Seʹksskõõvin suõjjõõđât njäʹlmmseeʹksest ââʹneeʹl ođđ leʹbe vaajtõõlli kuõiʹmin peniizz âʹlnn kondoom da njuõckkčoddi leʹbe anaal âʹlnn njäʹlmmseʹkss-sueʹj. Njäʹlmmseʹkss-sueʹjj lij luâttkumist (lateʹkss) valmštum leiʹnn, koon piijât seʹkssnääʹlest ǩidd ååreeʹl juʹn-a njuõckkčoddi leʹbe põttreäiʹj ool.

Takai mäinn kondoom piõdggnummša lij tääuʹjmõsân čuuʹt jõnn lossõs, kååʹtt čuâcc kondooʹme tõn diõtt, ko kondoomin ij leäkku nokk njââltõsvuõidâs. Čääʹccliuggneei, silikoonvuâđđsaž leʹbe õhttuumnjââltõsvuõiddâz âânnmõõžž kondoomin siâzztõõlât.

Seʹksskõõv njäʹmme takainalla oummust, kååʹtt ij ni jiõčč tieʹđ njuämmʼmõõžžstes. Seʹksskõppteeʹstid kannat mõõnnâd pâi, jõs lij leämmaž suejjeeteʹmes seʹkss ođđ leʹbe vaajtõõlli kuõiʹmin. Lij vääžnai tieʹtted jiijjâs seʹksskõppvueʹjj, što vuäǯǯ taarb mieʹldd šiõttlõs hååid, ij-ǥa tieʹđǩani njaamât seʹksskõõv ooudårra.

Klamydia da tippur lie bakteeʹrveärla da šõõddte pääiklaž infektio. Čuäjtõõzzid vääʹldet seʹkssnaaʹli meâldlânji, juʹn-a koǯǯčuäjtõõzzin leʹbe vääʹldet čuäjtõõzz põttreäiʹjest, njiõlõõǥǥâst leʹbe njuõckkčoddjest.

Klamydia lij bakteeʹrvuâlǥaž seʹksskõpp, koon hååidat antibiott-talkksivuiʹm. Mâʹŋŋtäʹrǩstõõzz tuejjeet nuʹtt määnpââʹj ǩeeʹjjest hååidast, da teʹl ainsmââʹttet, što håidd lij vaaiktam. Seʹksskueiʹm õõlǥči håiddad seämma ääiʹj.

Seʹksskõppteeʹstid vuäitt mõõnnâd jiijjâs tiõrvâsvuõttkõõskõʹsse, sooǥǥpieʹllkõõvi polikliniʹǩǩe leʹbe škooul- da mättʼtõõttitiõrvâsvuõtthuõllu. Seʹksskõõvi teʹsttjummuš lij täin paaiʹǩin määustem.