Tääbbaǩ ij luännat. Tõn luännteei vaaiktõs õhttan tåʹlǩ viõrrtemoudldõõzzi jaukkma, mõõn tääbbkõõčči tåbdd luännʼjummšen. Nikotiinčõnnsallaš oummu viõrrtemoudldõõzz hiâlpte tääbbkõõččmen. Tuõttvuõđâst nikotiin joorat kõõskõsneärvtõõǥǥ.

Ij leäkku. Liâdggtääbbǩin ij leäkku tääbbaǩ, leâša tõk täujja âʹnne seʹst seämma tiõrvâsvuõʹtte hääitlaž aunnsid mâʹte takai tääbbaǩ. Jõs liâdggtääbbǩin ââʹnet nikotiinkolggâz, tõin šâdd nikotiinčõnnsallašvuõtt. Liâdggtääbbǩi pirr ij leäkku võl nokk tuʹtǩǩuum teâtt, da tõn diõtt jie ni hääitain tieʹđ võl nokk jiânnai.

Kuhttu vasttõsvaajtõsmääin lie puästtad. Tääbbaǩ da alkohool tiõrvâsvuõtthääitai verddõõllmõš ij kannât, ko kuhttuin lie hääit, da tõk lie jeeʹresnallšeeʹm. Tiõrvvsallaš vuäivvõõttâmaaunâs ij ni leäkku.

Alkohol lij ǩiõlddum vueʹllâkksain, ko tõt lij siʹjjid jeäʹrab hääitlaž da šõõddat čõnnsallašvuõđ. Alkohol lij neäʹrvvsuuʹlem, kååʹtt vaaikat jeäʹrben vuõivâšn toiʹmmjummša. Nuõʹrre alkohool hääit lie šuurab ko vuõrâsooumže tõn diõtt, ko vuõivšni ouddnummuš juätkkai võl pâʹjjel 20-ekksiʹžžen. Čõnnsallašvuõtt alkohooʹle šâdd tõn hiâlpben mõõn nuõrben âânnmõõžž alttad.

Puk vasttõõzz lie vuõiʹǧǧest. Alkohool âânnmõõžž seuʹrrjõõzz lie määŋgnallšeeʹm.

Nuõrr jåudd jiõčč koʹrvveed skääđ tõn diõtt, ko Lääʹddjânnam lääʹjj mieʹldd juõʹǩǩ ooumaž lij õõlǥtum koʹrvvõõzzid ââʹjjest huõlǩani. Jõs nuõrr ij pââʹst mäʹhssed skääđaid tâʹlles, summ šâdd koorǥ tõn räjja, što son pâstt jiõčč tõn koʹrvveed. Reäkkõsvuõiggâdvuõđlaž vasttõs älgg 15-ekksiʹžžen, kuäʹss nuõr vueiʹtet suudâd reäkkõõzzâst.

Tuʹtǩǩummši mieʹldd 40 % vuâlla 14-ekksiʹžžen alttääm nuõrin muõkkšâʹvve peäʹnecâânnmõõžž vaiggâdvuõđin vuõrâsoummi ââʹjjest.

Alkohool vuäʹsttmest vueʹllâkksiʹžže vuäiʹtte seuʹrrjed sääkk leʹbe pleânvuõtt. Vueʹstti vuäǯǯ sääkkaid, jõs son ij vääʹld nuõrâst tieʹǧǧ vääʹltummšest. Jõs vueʹstti väldd pääʹlǩ alkohool vääʹltummšest, seuʹrrjõssân vuäitt leeʹd pleânvuõtt še. (Reäkkõslääʹj 50a lååkk, 1-2 §).