Kannabis lij lääʹjjteʹmes peäʹnec, da tõn diõtt tõn âânnmõš, vuästtmõš, kaaupšummuš da huâđastâânnmõš lie ǩiõlddum Lääʹddjânnmest. Kannabis puätt ruåivâs-šââddast (cannabis sativa) da tõn ââʹnet tääuʹjmõsân pueʹldeeʹl. Kannabiʹsse õhttne määŋg puäst miõllkoov.
Vuäitt leeʹd tõn diõtt, ko õhtt kannabisǩiõččlõddmõš vuäitt šõõddted kannabispsykoos. Kannabiizz âânnmõš lij lääʹjjtem Lääʹddjânnmest da reäkkõsrekistermeärkkõs vuäitt vaaikted še mättʼtõõttâm- leʹbe tuâjjpääiʹǩ vuäǯǯmõʹšše.
Lij. Håʹt mii-ne lij luâttooudas, tõt ij tueʹjjed tõʹst vaarteeʹm. Määŋg peäʹnec puäʹtte luâđast da šââddain, ouddm. tääbbaǩ da kokaiin. Vaarteʹmes peäʹnec ij kuuitâǥ kaunnu.
Vuäitt tõn diõtt, ko tõt ruõkkââtt vuõivšnid da vaaikat vuõivšni toiʹmmjummša, mâʹte âʹlddmušttu, mättjemoʹdde, vuäjjnemoʹdde da taʹrǩǩeemvuõʹtte.
Šõõddat. Mieʹrrmeâldlaž da kuʹǩesäiggsaž kannabiizz âânnmõš veekk ǩeâllʼjem ouddnummša, kuäʹss õõʹnni taarbaš šuurab mieʹrid, što vuäǯǯ aunnsest seämma vaaiktõõzz. Kannabiizz viõrrtemoudldõõzz lie jm. viizzlõsvuõtt, veäʹlšõsvuõtt, jättʼtõõllmõš, nââʹerhääit, piustõõvvmõš da poorrâmhaalteʹmesvuõtt.
Ij leäkku. Talkksen õnnum kannabisvalmštõõzz tuejjeet taalkâsfabriikkâst da tõn vuäivvõʹtti vaaiktõs lij nuʹtt ǩeäʹppes ko vueiʹtlvaž da tõʹst tieʹđet, mõõn tõt âânn seʹst. Ij ni taalkâskannabis leäkku vaartem, peʹce tõʹst lie seämma hääit ko lääʹjjteʹmes vuäivvõõttâmââʹnnma šõdduum kannabiizz pirr.
