Leevi Olli

Leevi Olli lea 22-jahkásaš. Son čálii studeantan Avvila logahagas ja studere Oulu universitehtas davvisámegiela ja sámekultuvrra. Leevi asttuáiggedoaimmaide gullet meahccebivdu, guollebivdu, spábbačiekčan ja frisbeegolf. Leevi sávvá, ahte son ássá davvin boahttevuođas.

Leevi mielas lea buorre, ahte sámenuorain lea vejolašvuohta váikkuhit iežaset áššiide nuoraidráđi bokte. Buorrin ovdamearkan son namuha, ahte guhká plánejuvvon Ofelaš-skuvlagalledandoaibma lea dál álggahuvvon Dihtosis-fitnu mielde.

Leevi mielas lea morašlaš, ahte sápmelaččaid áššiin mearridit dávjá almmá sápmelaččaid oaivila haga. Ovdamearkka dihte Jiekŋameararuovdemáđii ja das bohciidan ságastallan lea su mielas šállošahtti buorre ovdamearka.

Leevi dearvvuođat nuoraide, geat guorahallet searvat nuoraidráđi doaimmaide: Áidnalunddot dilálašvuohta beassat váikkuhit sámenuoraid áššiide. Nuoraidráđi mielde beassá maiddái jođašit.