Seksuaaltiervâsvuotâ

Seksuaallâšvuotâ lii mii puohâi äšši. Nuorâirääđi teeman ive 2018 lâi seksuaaltiervâsvuotâ. Ohtsâšpargokyeimin mist lâi väldikodálávt tuáimee Aalmuglitto, mon peht puáhtá ovdâmerkkân torvolávt uuccâđ ravvuid seksuaallâšvuotân lohtâseijee ášijguin.

Lii aaibâs táválâš, ete nuorâ hundâruš jieijâs rávásmemave ovdánem, šoddâm, seksuaallâšvuođâ, seksi já eres seksuaallii pyereestvajemân lohtâseijee teemaid.

Puoh nuoráid kyeskih seksuaalvuoigâdvuođah pirrâ maailm, suhâpiälán, liškeiivnán, seksuaallii sundešumán tâi tiervâsvuotân kejâhánnáá. Puohâin lii eres lasseen vuoigâdvuotâ navdâšiđ jieijâs seksuaallâšvuođâst, uážžuđ tiäđu já ášálijd seksuaaltiervâsvuotâpalvâlusâid.

Motomin jieijâs jurduin já huolâin sáttá leđe vaigâd muštâliđ kiässân. Motomingis koččâmâšâid moh teddih mielâ lii vaigâd koijâdiđ njunáluvâi rävisulmuin. Tondiet lii-uv pyeri, ete Suomâst láá ennuv nuoráid uáivildum, nuuvtá já anonyym puhelin- já nettipalvâlusah.

Aalmuglitto fáálá vuálá 20-ihásáid uáivildum viermipalvâlusâid já tiätusiskáldâsâid seksuaallâšvuođâst. Aalmuglito seksuaalravvimchatist puáhtá koijâdiđ nomâttáá äššitobdest seksuaallâšvuotân lohtâseijee aašijn, moh láá mielâst. Aalmuglito nuoráid uáivildum tiätuartikkeleh kávnojeh čujottâsâst www.hyvakysymys.fi/nuortenvaestoliitto

Aalmuglitto fáálá nuorâ rävisulmui parâkoskâvuođâ čuolmáid nuuvtá nettiravvim chatist, mast psykoterapeut västid parâkoskâvuođâ čuolmáid kyeskee koččâmâššáid. Tääbbin kaavnah rijjâ aaigijd: https://www.hyvakysymys.fi/ajanvarauschat/?target-groups=parit

Nuoráid uáivildum, nuuvtá já anonyym chatpalvâlusâid kaavnah meiddei čujottâsâst https://www.netari.fi/avoimet-chatit/

Aalmuglito Kaandâi Puhelin lii išedeijee puhelin- já viermipalvâlus vuálá 20-ihásâš kandáid já nuorâ almaid. Puhelimân västid rävisolmooš, áámmátlávt kaandâi maailmân vuáijum almai. Kaandâi Puhelimist nuorah uážžuh iše puohlágán elimân lohtâseijee čuolmâin. Toimâprinsiipin lii adeliđ njuolgâ vástádâsâid njuolgâ koččâmâššáid. Puhelinsavâstâllâm lii suáittei nuuvtá já puáhtá suáittiđ anonyymin. Puhelin palvâl vuossaargâst vástuppiäiván tijme 13–18 numerist 0800 94884. Kaandâi Puhelin kávnoo neetist čujottâsâst www.poikienpuhelin.fi.

Valâštâlmist uážžu pyeremuu tábáhtusâst ilo, luhostum tobdo já šiev ustevijd. Aalmuglito já syemmilâš valâštâllâm ohtsâšhaavâst ovdedeh juáhháá vuoigâdvuođâ navdâšiđ valâštâlmist torvolávt já uážžuđ täsiárvusii já kunnijâttee lattim iärásijn. Jis valâštâlmist kárttá killáđ epiášálii lattiimist teikâ hettiimist, te Tun jieh lah ohtuu -haavâst uážžu torjuu. Ohtâvuođâ pyehtih väldiđ valâštâlleeh, valâštâllee vaanhimeh, välmejeijeeh já meid valâštâllâmseervij tâi šlajâlitoi pargeeh já rijjâtátuliih. Tun jieh lah ohtuu -palvâlusân puáhtá suáittiđ nuuvtá vuossaargâst majebaargân tijme 14–17:30, haavâst lase: https://etoleyksin.fi/

Tun kaavnah mii meiddei somest! Čuávu Nuorâi Aalmuglito já Kaandâi Puhelin YouTubest já Instagramist.

Heräsikö kysyttävää?

Láá-uv tuu mielâst seksuaaltiervâsvuotân lohtâseijee ääših? Tun puávtáh kyeđđiđ nomâttáá koččâmâš mii koččâmâšah-uásádâhân. Mij västidep Tunjin!

Ota yhteyttä


Taan fáádást lase