Nuõrisuåvtõõzz saakkummuž škooultõs da 4/2020 sååbbar
Nuõrisuåvtõõzz vuäzzlaid jäʹrjsteš some-vaaiktem da saakkummuž škooultempeeiʹv 19.9.2020 Ruäʹvnjaarǥâst.
Škooultõõzz mieʹrren leäi vieʹǩǩted nuõrisuåvtõõzz vuäzzlai jiiʹjjes jiõn kaunnmõõžž da vuäǯǯad vuäʹpstõõzz somevaikktummša. Lââʹssen täävtõssân lij viikkâd ooudâs da õhttnâʹtted nuõrisuåvtõõzz saakkummuž da vuäǯǯad tuâjjkaauʹnid tõn plaanummša. Škooulteeʹjen tååimai Emmi Nuorgam, kååʹtt lij sosiaalʼlaž media saakkummuž äʹšštobddi di Yle Kioski projeʹkttšuurmõs.
– Ooudam jiânnai äärv tõõzz, mäʹhtt veârnai da äävai saakkummša nuõrisuåvtõõzz vuäzzla leʹjje vaalmâš. Nuõrisuåvtõs ij leäkku pâi mii täättas vaaldšemvuõđlaž organ, peʹce tõʹst lij tuõđi miârkteei rool nuʹtt sääʹmnuõri identiteeʹtt ouddnummšest ǥu še õhttsallâšvuõđ da kulttuur raajsmõõvvmõõžžâst. Koronavueʹǩǩ reâkk juʹn valmmša vaiggâd sââʹjest åårrai nuõrid, kuäʹss še saakkummuž miârktõs šorran. Mäʹhtt juõʹǩǩʼkaž sääʹmnuõrr vueiʹtči tobddâd õʹhttekollʼjemvuõđ tobddmõõžžid vueʹjjest koʹst liikkummuš lij õinn vaiggääb ko ouddâl? Voʹsttjam nuõrisuåvtõõzz vuäzzlaid tõn ouddjuʹrdditeʹmes fiʹttjõõzzâst, koin sij vaʹǯǯtõʹsse kõrmmle, maainast škooulteeʹjen toiʹmmjam Emmi Nuorgam.
Nuõrisuåvtõs lij ouʹddel sååbbrstes alttääm saakkummuštuâjj-joouk. Nuõrisuåvtõõzz saakkummuštuâjj-joouk tuâjjan lij plaaneed nuõrisuåvtõõzz saakkummuž, teâđtummuž da sosiaalʼlaž media âânnmõõžž di ääiʹjpoddsaž saakkummuš-šõddmõõžžid di tueʹjjeed õhttsažtuâi DigiÁrran-haʹŋǩǩõõzzin. Nuõrisuåvtõõzz saakkummušjoukk valmštõlškuätt nuõrisuåvtõʹsse saakkummušstrategia.
– Diginatiivân da sosiaalʼlaž media reʹttev õõʹnnʼjen leʹjjem vuõššân siõmmna kaađčõs tõʹst, što mättjeʹčem-a škooultõõzzâst ni mâiʹd oođâs, leâša âânnlaž škooultemobbvuõtt, koon Emmi nuõrisuåvtõʹsse raaji očndõõđi tuõđi inspirâʹstteeʹjen äukkjen. Vuäǯǯaim jiânnai ideaid tõõzz, mäʹhtt vueʹlǧǧed viikkâd ooudâs mij saakkummuž. Lââʹssen Emmi veäkka saǥstõõlim še kõskkneen kuddnalla tõʹst, mâiʹd mij saakkummšest vueʹrddep da måkkam täävtõõzz meeʹst lie, maainâst nuõrisuåvtõõzz saakkummuštuâjj-joouk saaǥǥtuõʹllʼjeei Mira Pohjanrinne.
Nuõrisuåvtõõzz sååbbar 4/2020
Nuõrisuåvtõõzz sååbbar 4/2020 õʹnneš Ruäʹvnjaarǥâst 20.9.2020 Såbbar äʹššliistâst leʹjje jeärbi mieʹldd. Dihtosis -haʹŋǩǩõʹsse õhtteei ääʹšš, sääʹmǩiõli neäʹttel plaanummuš di nuõripoliittlaž prograamm valmštõõllmõõžž alttummuš. Lââʹssen nuõrisuåvtõs saǥstõõli koronaepidemia vaikktõõzzin sääʹmpaaʹrnid da -nuõrid di nuõrisuåvtõõzz poliittlaž vaikktummšest tuåimmjempââʹjest 2020-2021. Koronapandemia lij rääʹjtam nuõrisuåvtõõzz tuåimmjummuž da ouddmiârkkân eeʹjjest 2020 riâššâmnalla plaanuum sääʹmnuõri konfereʹnss lij serddam mâʹŋŋlõʹbbe.
– Ânnʼjõž koronavueʹjj diõtt Nuõrisuåvtõs lij piâssâm noorõõttâd ââldmõsân pâi ougglõsõhttvuõđin. Tät lij leämmaš gåår, ǥu tuåimmjempââʹjj alttõs ougglõsõhttvuõđin lij raajjâm nuõrisuåvtõõzz õʹhttekuullâmvuõđ šõddmõõžžâst vaʒʒâd. Leäi-i tuõđi hääʹsǩ piâssâd õʹhttešt noorõõttâd såbbra aivv pääiʹǩ âʹlnn da vueiʹnned jeärraz såbbar vuäzzlaid, juätkk nuõrisuåvtõõzz vääʹrrneǩ Mira Pohjanrinne.Nuõrisuåvtõs lij noorõõttâm vueiʹvv-vueʹzzest ougglõsõhttvuõđin da plaanuum tuâjjpaaʹjid, kaaunõõttmõõžžid da šõddmõõžžid lie sirddum puõʹttivuõʹtte. Puõʹtti nuõrisuåvtõõzz sååbbar jäʹrjstet kålggmannu beäʹlnn.
Lââʹzzteâđ:
Sääʹmteʹǧǧ
Nuõrisuåvtõõzz saaǥǥtuõʹllʼjeei
Anni-Sofia Niittyvuopio,
Teʹl 040 7082 072, anni-sofia.niittyvuopio(at)samediggi.fi
Tobdstõõđ še
Puäđ äšštobddisiltteejen Kulttuuri škooule!
Sääʹmteʹǧǧ ååcc škooulteei sääʹmteeʹǧǧ Kulttuuri škooul -haʹŋǩǩõʹsse. Kulttuuri škooul lij Sääʹmteeʹǧǧ, Lääʹdd Romaniõhtõõzz da Nuõri akatemia õhttsaž pâʹjjškoouli da nuuʹbb tääʹzz škoouli uʹčteeʹlid jurddum lââss-škooultõshaʹŋǩǩõs.
Säämnuõr äimmõsmuuttâs vuâstta
Õhttsažtâʹvvjânnmallaž sääʹmnuõri konfereʹnss jäʹrjste 26.6.2021. Konfereeʹns teeʹmmen lij äimmõsmuuttâs da tõn jäʹrjste ougglõsõhttvuõđin. Konfereʹnss lij määusteʹmes da äävas pukid sääʹmnuõrid.
Äimmõslääʹǩǩoođeem ǩiõttʼtõõlli Tuâjjpõõrt
Sääʹmnuõrr – leäk-a älšmõõvvâm äimmõsmuttõõzzâst? Haaʹlääk-a vaikkted meersõʹžže äimmõspolitiʹǩǩe? Äimmõslääʹǩǩoođeem ǩiõttʼtõõlli tuâjjpõõrt 24.8.2021
Säämnuõri konferenss
Tuâjjpõõrt
Tiõrvvpueʹttem tâʹvvjânnmallšõʹžže sääʹmnuõri konferenssa!
Iʹlmmtõõttmõš ja äʹššlistt
Õhttsažtâʹvvjânnmallaž sääʹmnuõri konfereʹnss 26.8.
Maacctõskõõjjõs
Kõõjjõʹsse vuässõõttâm oummui kõõskâst vueʹrbbeep nuõrisuåvtõõzz kõlbbkeäpprid! Vaʹsttummuš ij peeʹšt kuuʹǩǩ! Kõõjjõõzzâst lie pâi koumm kõõččmõõžž.
Nuõrisuåvtõs rämmaš tummstõõǥǥâst maaccted Tâʹvv-Lappi mäddkåddkääv valmštõõllma
Nuõrisuåvtõs rämmaš Lappi leett välddõõzz tuʹmmstõõǥǥâst maaccted Tâʹvv-Lappi mäddkåʹddkääʹv 2040 oʹđđest valmštõõllma. Puõʹtti mäddkåʹddkääʹvest jaukkeet Jiõŋŋmiâr ruʹvddčuõkku kuõskki mieʹrǩǩummšid.
Nuõrisuåvtõs jåårǥlââtt Seta âbrrjohsssannõõzz säämǩiõlid
Pueʹtti puõlvvõk âʹbrrjohss-säʹmmlain vuäǯǯa ravsmed nuʹtt, što sij vuäiʹtte säʹnnâʹtted identiteeʹttes sääʹm ǩiõlin.
Sääʹmteʹǧǧ iʹlmmat ooccâmnalla mieʹrräiggsaž projektt-tuâjjla tuâj
Projektt-tuâjjla tuâjjan lij vaʹstteed õhttsažtâʹvvjânnmallaš sääʹmnuõri konfereensâst, plaanummšest, riâššmõõžžin, teâđtummšest, jeeʹres ouddvalmštõõllmõõžžin di šõddmõõžž mâʹŋŋtuâjain. Tuâjj älgg 14.6.2021 da peštt 27.8.2021 räjja.
Mäʹhtt nuõrituâjast ooudeet ooumažvuõiggâdvuõđid?
Nuõrisuåvtõs õlmstâtt nett-teestid säämǩiõlin
“Lij-a seksuaalʼlažvuõtt toobdâs? Mâiʹd teâđak seʹksskõõvin? Teʹstted teâđad peäʹncin!”
Sääʹmnuõri kuullâmpodd
Tiõrv sääʹmnuõrr - mušttâl miʹjjid, mâid tuäivak luâttreeʹǧǧesvuõttplaanummšest! Meäʹcchalltõs õhttsažtuâjast Sääʹmteeʹǧǧ nuõrisuåvtõõzzin kåčč pukid Lääʹddjânnam sääʹmnuõrid kuullâmpoʹdde, koon jäʹrjstet ougglõsõhttvuõđin 23.2. Looǥǥ lââʹzz:
Dihtosis-tuåimmjummuš veiddan vueʹllškooulid
Sääʹmteeʹǧǧ nuõrisuåvtõõzz da Nuõri Akademia Dihtosis-haʹŋǩǩõs lij vääʹltam sääʹmmteâđ da taʹrjjääm tuåimmjemnallšem tuâjjpaaʹjid pââiškooulid di nuuʹbb tääʹss mättjemstroiʹttlid juʹn kueiʹt eeʹjj ääiʹj. Åån haʹŋǩǩõs veiddan še vueʹllškooulid!
Nuõrisuåvtõs õlmstâtt staani sââʹj vuäʹpstõõzz
Sääʹmteeʹǧǧ nuõrisuåvtõs õlmstâtt Lääʹddjânnmest mainstum sääʹmǩiõlin da lääddas staani sââʹj vuäʹpstõõzz. Vuäʹpstõs tuåimmai jeärraz mieʹldd škoouli, organisaatioi, tuâjjpaaiʹǩi da šõddmõõžži ââʹnnem diõtt da tõin raajât tääʹssärvvsaž tuåimmjummuž. Nuõrisuåvtõs vuäinn, što pukid staani da mooddai sââʹj raajjmõõžž lij vääžnai še sääʹmõhtsažkååʹdd seʹst.